सिंधुदुर्ग (प्रतिनिधी )
राज्याचे मत्स्य व बंदर विकास मंत्री व सिंधुदुर्गचे पालकमंत्री नितेश राणे येत्या 4 ते 8 ऑक्टोबर दरम्यान स्वीडनच्या (स्टॉक होम )दौऱ्यावर जाणार आहेत.
स्टॉकहोम इथली कँडेला टेकनॉलॉजी(एबी)ही जगप्रसिद्ध कंपनी,अत्याधुनिक तंत्रज्ञानाच्या आधारे ‘इलेक्ट्रिक हायड्रोफाईल बोटी’ तयार करत असून त्याची पहाणी व या बोटींच्या वापरासंबंधी कंपनीच्या तज्ञांशी राणे हे चर्चा करणार आहेत.
या बोटी पर्यावरणपूरक, अत्याधुनिक, स्वस्त व किफायतशीर तसेच दीर्घकालीन सागरी व जल वहातुकीसाठी उपयुक्त असल्याने या बोटींचा राज्यातील सागरी किनाऱ्यांवर वापर करण्याच्या दृष्टीने कंपनीच्या तज्ञांशी चर्चा व विचारविनिमय करण्यात येणार असून त्यादृष्टीने कंपनीशी सामंजस्य करार केला जाण्याचीही शक्यता आहे.
या दौऱ्यात राणे यांच्या सोबत विभागाचे तीन वरिष्ठ अधिकारीही असणार आहेत.
