कुडाळ | प्रतिनिधी
कुडाळ घावनळे येथील अल्पवयीन मुलगी वय १७ वर्षे ०२ महीने ही दुसऱ्या मुलासोबत बोलते या कारणावरुन तिचे परीचयाचा कुणाल कृष्णा कुंभार (रा. गाठोस ता. कुडाळ) याने वाडोस येथे नेवुन नायलॉन दोरीने गळा आवळून तिचा खून केला. या गुन्हयातील आरोपी विरुद्ध पोलीसांनी सबळ पुरावा गोळा करुन दोषारोप पत्र मुदतीत न्यायालयात सादर केलेले आहेत. या गुन्हयातील आरोपी कुणाल कुंभार हा दि. ३० सप्टेंबर २०२५ रोजी पासुन प्रथम पोलीस कोठडी रिमांड व त्यानंतर न्यायालयीन कोठडी रिमांडमध्ये जिल्हा कारागृहामध्ये बंदीस्त आहे.
आरोपी कुणाल कृष्णा कुंभार याने प्रमुख जिल्हा व सत्र न्यायालय, सिंधुदुर्ग यांचे न्यायालयात नियमित जामीन मिळणेकरीता अर्ज सादर केलेला होता. नमुद अर्जाची सुनावणी न्यायालयात झाली. न्यायालयात आरोपीत याचे विरुद्ध प्राप्त पुरावे व अन्य केसचे दाखले अभियोग पक्षातर्फे सविस्तर मांडण्यात येवुन आरोपीचे जामीन अर्जास कडाडून विरोध करण्यात आला. न्यायालयाने आरोपीचे वकील व अभियोग पक्षाचे म्हणणे ऐकून घेवुन नमुद आरोपीत याने स्वतःहून दाखविलेला मृतकाचा मृतदेह, तसेच नमुद गुन्हा हा जलद गती न्यायालयात सुनावणीकरीता घेणार असल्याचे अभियोग पक्षातर्फे मांडण्यात आलेले मुद्दे विचारात घेवुन तसेच आरोपीत विरुद्ध गुन्हा केल्याचा सबळ पुरावा असल्याची नोंद घेवुन नमुद आरोपीत याचा नियमित जामीन अर्ज फेटाळला. सदर प्रकरणात सरकारी पक्षातर्फे वकील श्री रुपेश देसाई यांनी काम पाहीले.
सदरची कारवाई ही पोलीस अधीक्षक, सिंधुदुर्ग डॉ श्री मोहन दहिकर, अपर पोलीस अधीक्षक कु. नयोमी साटम, उपविभागीय पोलीस अधिकारी, सावंतवाडी श्री. विनोद कांबळे, कुडाळ पोलीस ठाण्याचे पोलीस निरीक्षक राजेंद्र मगदुम, पोलीस अंमलदार कृष्णा केसरकर यांनी केलेली आहे.
